Think about Everything

దేన్నీ గూర్చి ఆలోచిస్తున్నావో ఆలోచించుకో 

       

         "నీ ఆజ్ఞలను నేను ధ్యానించెదను నీ త్రోవలను మన్నించెదను." కీర్తనలు 119:15. 

         
           ఆలోచనలో మన సమయాన్ని ఎట్లు గడుపవలెనో దేవుని వాక్యము బోధించుచున్నది. 

దేవుని వాక్యములోని విషయాలను గూర్చి ఆలోచించేడివాడనని లేక ధ్యానించేడివాడనని కీర్తనకారుడు తెలియజేయుచున్నాడు. దేవుని త్రోవలను గూర్చి తలపోయుటకును, ధ్యానించుటకును, అతడు అధిక సమయమును వెచ్చించేవాడు. కీర్తన 1:3 లో దీనిని చేయువాడు ఎట్లుండునో తెలియజేయుచున్నది: అతడు నీటికాలువల యోరను నాటబడినదై ఆకు వాడక తన కాలమందు ఫలమిచ్చు చెట్టువలెనుండును అతడు చేయునదంతయు సఫలమగును.

   
     దేవుని వాక్యమును గూర్చి ధ్యానించడం చాలా ఉపయోగకరం. ఒకడు వాక్యమును ధ్యానించుటలో తన సమయాన్ని గడిపేకొద్ది వాక్యము నుండి మరిన్ని ఫలములను కోయును.